Browse songs by

duniyaa vaalo.n raam\-siitaa kii ... galii\-galii siitaa ro_e

Back to: main index
View: Plain Text, हिंदी Unicode, image

duniyaa vaalo.n raam-siitaa kii na_ii kahaanii sun lo
vaalmiik se Kuub sunii ab merii zubaanii sun lo

galii-galii siitaa ro_e aaj mere desh me.n
siitaa dekhii raam dekhaa aaj na_e bheSh me.n

tumane naam sunaa siitaa kaa mai.n use dekh aayaa huu.N
o dharm ke Thekedaaro.n mai.n ek na_ii raamaayaN laayaa huu.N
vo siitaa thii raamaayaN kii jiitii jaagatii
ruuThe raam se jo khoyaa pyaar maa.Ngatii
galii-galii siitaa ro_e ...

raam kii liilaa dekh chuke ko_ii usakii liilaa jaane naa
raam yahaa.N siitaa yahaa.N par ko_ii pahachaane naa
aage ba.Dh ke dekh diivaane tuu hii inakaa raam hai
isake dil ko chiir ke dekh liyaa teraa naam hai
galii-galii siitaa ro_e ...

dharatii phaTii siitaa chhupii kahii.n nazar aaye naa
ye vo siitaa hai ki jise dharatii bhii chhupaaye naa
ye bhii siitaa vo bhii siitaa fark dekho bhaag me.n
vo aag se lauT aa_ii ye hai abhii aag me.n
galii-galii siitaa ro_e ...

bahan jis bhaa_ii kii hai vo bhii Kafaa ho gayaa
maa.N ye kisii laal kii hai vo bhii judaa ho gayaa
janak siitaa chho.D de to kahaa.N jaa_e jaanakii
maa.N ise pahachaan ke bhii phir nahii.n pahachaanatii
galii-galii siitaa ro_e ...

kyo.n bharosaa nahii.n isape kyaa ye pyaar jhuuThaa hai
bolo-bolo aa.Nsu_o.n kaa kyaa ye haar jhuuThaa hai
isakii kathaa jhuuThii hai to jhuuThaa bhagavaan hai
jhuuThii hai raamaayaN saarii aur jhuuThaa raam hai
dharm jhuuThaa prem jhuuThaa jhuuThaa hindustaan hai
deviyo.n pe doSh lage aaj mere desh me.n
siitaa to hai raam nahii.n aaj mere desh me.n
galii-galii siitaa ro_e ...

View: Plain Text, हिंदी Unicode, image