Browse songs by

dil i.nsaan kaa ek taraajuu ... ke aajaa terii yaad aa_ii

Back to: main index
View: Plain Text, हिंदी Unicode, image

aa : dil i.nsaan kaa ek taraajuu jo i.nsaaf ko taule
apanii jagah par pyaar hai qaayam dharatii-ambar Dole
sabase ba.Daa sach ek jagat me.n bhed anek jo khole
prem binaa jiivan suunaa ye paagal premii bole

la : ke aajaa terii yaad aa_ii
o baalam harajaa_ii
ke aajaa terii ...

zaalim kitanii der lagaa dii tumane aate-aate
ab aa_e ho ab na aate to ham jaan se jaate
dil diivaanaa diivaane ko ham kaise samajhaate
kahate raam-duhaa_ii
ke aajaa terii ...

ra : furasat bhii hai mausam bhii hai man hai ra.ngaraliyo.n me.n
chhup ga_ii hai tuu Kushbuu ban ke shaayad in kaliyo.n me.n
maine tujhako kitanaa Dhuu.NDhaa aavaaraa galiyo.n me.n
ye aavaaz lagaa_ii
ke aajaa terii ...

la : mast havaa ne baat ko_ii kah dii kaano.n me.n
jaise ko_ii madiraa bhar de khaalii paimaano.n me.n
ta.Dapaayaa aaj machalate dil ke aramaano.n ne
rut ne lii a.nga.Daa_ii
ke aajaa terii ...

View: Plain Text, हिंदी Unicode, image