Browse songs by

dekhatii hii raho aaj darpaN na tum

Back to: main index
View: Plain Text, हिंदी Unicode, image

dekhatii hii raho aaj darpaN na tum
pyaar kaa ye mahurat nikal jaayegaa, nikal jayegaa

saa.Ns kii to bahut tez raftaar hai
aur chhoTii bahut hai milan kii gha.Dii
guu.Ndhate guu.Ndhate ye ghaTaa saa.Nvarii
bujh na jaaye kahii.n ruup kii phulajha.Di
chuu.Diyaa.N hii na tum ## music follows ##
chuu.Diyaa.N hii na tum khanakhanaatii raho
ye sharamashaar mausam badal jaayegaa, badal jaayegaa

surkha ho.nTho.n pe uf ye ha.Nsii madabharii
jaise shabanam a.Ngaaro.n kii mehamaan ho
jaaduu bunatii hu_ii ye nashiilii nazar
dekh le to Kudaa_ii pareshaan ho
muskuraavo na aise ## music follows ##
muskuraavo na aise churaakar nazar
aainaa dekh suurat machal jaayegaa, machal jaayegaa

chaal aisii hai madahosh mastii bharii
niind suuraj sitaaro.n ko aane lagii
itane naazuk qadam chuum paaye agar
sote sote biyaabaana gane lage
mat mahaavar rachaa_o ## music follows ##
mat mahaavar rachaa_o bahut paa.Nv me.n
farsha kaa maramarii dil bahal jaayegaa, bahal jaayegaa

dekhatii hii raho aaj darpaN na tum

Comments/Credits:

			 % Transliterator: Malini Kanth
		     
View: Plain Text, हिंदी Unicode, image