Browse songs by

dard jab terii ataa hai to gilaa kisase kare.n

Back to: main index
View: Plain Text, हिंदी Unicode, image

dard jab terii ataa hai to gilaa kisase kare.n
hijr jab tuune diyaa ho to milaa kisase kare.n

aks bikharaa hai teraa TuuT ke aa_iine ke saath
ho ga_ii zaKm nazar aks chunaa kisase kare.n

mai.n safar me.n huu.N mere saath judaa_ii terii
hamasafar Gam hai.n to phir kisako judaa kisase kare.n

khil uThe gul yaa khule dast-e-hinaa_ii tere
har taraf tuu hai to phir teraa pataa kisase kare.n

tere lab terii nigaahe.n tere aariz terii zulf
itane zi.ndaa hai.n to is dil ko rihaa kisase kare.n

View: Plain Text, हिंदी Unicode, image