Browse songs by

chale pavan kii chaal

Back to: main index
View: Plain Text, हिंदी Unicode, image

chale pavan kii chaal, jag me.n chale pavan kii chaal
yahii chaal hai jag sevaa kaa yahii jiivan sukhapaal
ho chale pavan kii chaal ...

is nagarii kii Dagar-Dagar me.n
laakho.n hai.n ja.njaal
saKtii naramii sardii garmii
ek saa.Nche me.n Dhaal
ho chale pavan kii chaal, jag me.n ...

duHkh kaa naash ho sukh kaa paalan
dono.n bojh sambhaal
chubhate kaa.NTe pis pis jaae
phuul na ho paamaal
chale pavan kii chaal, jag me.n ...

kaT na sake yah lambaa rastaa
kaTe hazaaro.n saal
jahaa.N pahu.Nchane par dam TuuTe
hai, vahii kaal akaal
chale pavan kii chaal, jag me.n ...

View: Plain Text, हिंदी Unicode, image