Browse songs by

baa\-hosh\-o\-havaas mai.n diivaanaa

Back to: main index
View: Plain Text, हिंदी Unicode, image

baa-hosh--havaas mai.n diivaanaa ye aaj vasiiyat karataa huu.N
ye dil ye jaa.N mile tumako mai.n tumase muhabbat karataa huu.N

mere jiite jii yaar tumhe, merii saarii jaagiir mile
vo Kvaab jo mai.n ne dekhe hai.n, un Kvaabo.n kii taabiir mile
har ek tamannaa ke badale me.n aaj ye hasarat karataa huu.N
ye dil ye jaa.N mile tumako ...

merii aa.Nkho.n me.n nii.nd nahii.n, mere ho.nTho.n par pyaas nahii.n
har chiiz tumhaare naam huii, ab kuchh bhii mere paas nahii.n
tumane to luuT liyaa mujhako, mai.n tumase shiqaayat karataa huu.N
ye dil ye jaa.N mile tumako ...

Comments/Credits:

			 % Transliterator: K Vijay Kumar
		     
View: Plain Text, हिंदी Unicode, image