Browse songs by

a.ndoh se hu_ii na rihaa_ii tamaam shab - - Ghulam Ali

Back to: main index
View: Plain Text, हिंदी Unicode, image

a.ndoh se hu_ii na rihaa_ii tamaam shab
mujh dilazadaa ko nii.nd na aa_ii tamaam shab

chashmak chalii ga_ii thii sitaaro.n kii subah tak
kii aasmaa.N se diidaa-waraa_ii tamaam shab

baiThe hii guzarii vaade kii shab wo na aa phiraa
iizaa ajab tarah kii uThaa_ii tamaam shab

jab mai.n shuruu qissaa kiyaa aa.Nkhe.n khol dii.n
yaqiinii thii mujhako chasm-numaa_ii tamaam shab

waqt-e-siyah ne der me.n kal yaavarii sii kii
thii dushmanii se isakii la.Daa_ii tamaam shab

taare se, terii palako.n pe, qatare se ashq ke
dete rahe hai.n 'miir' dikhaa_ii tamaam shab

View: Plain Text, हिंदी Unicode, image