Browse songs by

ai dard\-e\-hijr\-e\-yaar Gazal kah rahaa huu.N mai.n

Back to: main index
View: Plain Text, हिंदी Unicode, image

ai dard-e-hijr-e-yaar Gazal kah rahaa huu.N mai.n
be-mausam-e-bahaar Gazal kah rahaa huu.N mai.n

mere bayaan-e-Gam kaa tasalasul na TuuT jaaye
Gesuu zaraa sa.Nwaar Gazal kah rahaa huu.N mai.n

raaz-o-nayaaz-e-ishq me.n kyaa daKl hai teraa
haT fiqr-e-rozagaar Gazal kah rahaa huu.N mai.n

saaqii bayaan-e-shauq me.n ra.ngiiniyaa.N bhii ho.n
laa jaam-e-Kush-gawaar Gazal kah rahaa huu.N mai.n

tujhasaa sukhan-shanaas ko_ii duusaraa nahii.n
sun ai Kayaal-e-yaar Gazal kah rahaa huu.N mai.n

View: Plain Text, हिंदी Unicode, image