Browse songs by

aah ko chaahiye ek umr asar hone tak - - Saigal

Back to: main index
View: Plain Text, हिंदी Unicode, image

aah ko chaahiye ek umr asar hone tak
kaun jiitaa hai terii zulf ke sar hone tak

aashiqii sabr-talab haay aur tamannaa betaab
dil kaa kyaa ra.ng karuu.N Kuun-e-jigar hone tak

hamane maanaa ke taGaaful na karoge lekin
Kaak ho jaaye.nge ham tum ko Kabar hone tak

yak nazar besh nahii.n furasat-e-hastii Gaafil
garmii-e-bazm hai ik raqs-e-sharar hone tak

Gam-e-hastii kaa 'asad' kis se ho juz marg ilaaj
shamaa har ra.Ng me.n jalatii hai sahar hone tak

% juz: other than, marg: maut

Comments/Credits:

			 % Credits: U.V. Ravindra
		     
View: Plain Text, हिंदी Unicode, image